Happy New Year

From the Editorial Team

"അവൾ ശിശുവിനെ പിള്ളക്കച്ച കൊണ്ട് പൊതിഞ്ഞ് പുൽത്തൊട്ടിയിൽ കിടത്തി. കാരണം സത്രത്തിൽ അവർക്ക് സ്ഥലം കിട്ടിയില്ല." (ലൂക്കാ 2:7)

ക്രിസ്തുമസ് കാലത്തിൻറെ വിശുദ്ധിയും പുണ്യം കലർന്ന കുളിരും അനുഭവിക്കുകയാണ് നമ്മൾ. ഇതിനിടയിൽ പുൽക്കൂട് പകരുന്ന ആത്മീയതയുടെ ചൂട് പകർന്നു കൊണ്ട് സ്വയം ഒന്ന് ആലോചിക്കുക. അഭയകേന്ദ്രങ്ങൾ ആകാൻ നമുക്ക് ആകുന്നുണ്ടോ? എല്ലാം തുടങ്ങുന്ന ഇടമാണ് ഈ പുൽക്കൂടിന്റെ പശ്ചാത്തലം. ഇരുളിൽ കഴിഞ്ഞവർക്ക് ഒരു പ്രകാശം ഉദിക്കുകയാണ് ഇവിടെ. ഗതകാല സ്മരണകളുടെ തേരിലേറി ക്രിസ്തുമസ് കാറ്റേറ്റുകൊണ്ട് ഉറക്കെ ചിന്തിക്കുക. "ഉണ്ണിയേശുവിനു പിറന്നു വീഴാൻ പറ്റിയ ഒരു സത്രം ആകുവാൻ എനിക്ക് പറ്റുന്നുണ്ടോ? രക്ഷാ കേന്ദ്രം കിട്ടാതെ അലയുന്നവർക്ക് ഒരു അഭയകേന്ദ്രം ആകുവാൻ എനിക്ക് സാധിക്കുന്നുണ്ടോ?" വിശക്കുന്നവർക്ക് ഭക്ഷണമായും ദാഹിക്കുന്നവർക്ക് ജലം ആയും, വസ്ത്രം ഇല്ലാത്തവന് വസ്ത്രമായും തൊഴിൽരഹിതന് തൊഴിലായും, സത്രം അല്ലെങ്കിൽ അഭയകേന്ദ്രങ്ങൾ ആയി നമുക്ക് തീരാം. ഈ പുതുവർഷത്തെ പുതു ചിന്തകളും പുതിയ തീരുമാനങ്ങളുമായി നമുക്ക് എതിരേൽക്കാം.

പതിവുപോലെ ഏറെ പുതുമകളോടെ SMCB Times സമർപ്പിക്കുന്നു. കമ്മ്യൂണിറ്റി വിശേഷങ്ങളും, ക്രിസ്തുമസ് ആഘോഷങ്ങളും ഈ ലക്കത്തെ കൂടുതൽ മനോഹരമാക്കിയിരിക്കുന്നു. ചിന്തകളും വിശകലനങ്ങളും കൊണ്ട് സമ്പൂർണ്ണമായ ഒരു പതിപ്പ്. സ്വീകരിച്ചാലും...!

Happy New Year