പുതുപുലരിക്കായ്...

വിശുദ്ധി തൻ കുരുത്തോലകൾ

ആശ്വാസം പരത്തുന്ന ഓശാനപെരുന്നാളും

നിറം മങ്ങിയ മാനസങ്ങൾക്ക് മാറ്റു കൂട്ടുവാൻ

മഴവില്ലിൻ വർണ്ണങ്ങളുമായ് ഹോളിയും

വിഷാദം തളം കെട്ടിയ കരിമാനത്ത്

പ്രത്യാശ തൻ നിലാവുമായി റമസാനും

തിന്മയുടെ അന്ധകാരത്തെ കെടുത്തുന്ന

മിന്നാമിന്നികളുടെ ദീപാവലിയും

നഷ്ടബന്ധങ്ങളിൽ സുഗന്ധം പകരാനായി

വസന്തത്തിൻ പൂക്കുടയേന്തി ഓണവും

ആകുലതകളുടെ പെരുമഴയിൽ

സമാധാനത്തിൻ നക്ഷത്രത്തിളക്കമായ് ക്രിസ്തുമസും

അഴൽമേഘങ്ങൾ വഴിമാറിയ പുതുപുലരിയിൽ

ഇനിയുമൊത്തുത്തുകൂടാനും ആഘോഷിക്കാനും

കാലത്തിൻ കൈക്കകുമ്പിളിൽ നമുക്കുവേണ്ടി

സ്വരുക്കൂട്ടിയ മഞ്ചാടിമണികൾ ഭദ്രം